Upplýsingar og leiðbeiningar

Lögmannavaktin er skipulögð af Lögmannafélagi Íslands.

Tilgangur Lögmannavaktarinnar er að veita almenningi ráð og leiðbeiningar um lögfræðileg úrlausnarefni án endurgjalds. Ráðgjöfin takmarkast við munnlega ráðgjöf og ekki er við það miðað að lögmen reki erindi þeirra, sem ráða leita, með bréfaskriftum, skjalagerð, símtölum eða með öðrum hætti.

Hjá Lögmannavaktinni geta einungis starfað sjálfstætt starfandi lögmenn og lögmannsfulltrúar með málflutningsréttindi.

Lögmaður skal vera óháður í starfi og honum ber að leggja sig fram um að gæta hagsmuna skjólstæðinga sinna. Honum ber að upplýsa viðmælanda sinn á Lögmannavaktinni ef hætta er á að hann geti ekki veitt lögfræðilega ráðgjöf á hluthlausan hátt.

Lögmaður er bundinn þagnarskyldu um það, sem aðili trúir honum fyrir í starfi hans, sbr. 1. mgr. 22. gr. 1aga nr. 77/1998 , um málflytjendur. Þagnarskyldan nær einnig til starfa lögmannsins á Lögmannavaktinni.

Lögmaður á vakt skal skrá upplýsingar um veitta aðstoð á þar til gerð eyðublöð Nafnleyndar skal gætt.

Miðað er við að hvert viðtal taki eigi lengri tíma en 15 mínútur og aldrei skal það taka lengri tíma en 30 mínútur nema sérstaklega standi á.

Ráðgjöf lögmanns takmarkast við þær upplýsingar sem veittar eru lögmanninum.

Telji vakthafandi lögmaður þörf á, leiðbeinir hann aðila um hvert leita skuli með frekari rekstur erindisins, t.d. til stjórnvalds, umboðsmanns Alþingis, lögmanns o.s.frv.

Um lögmannsaðstoð utan Lögmannavaktarinnar gilda almennar reglur, þ.á.m. um þóknun. Slík aðstoð er einungis veitt utan húsakynna vaktarinnar enda er hún Lögmannavaktinni óviðkomandi.

Lögmannafélag Íslands ber ekki neina ábyrgð á þeirri ráðgjöf sem veitt er. Vakthafandi lögmaður ber sjálfur ábyrgð á ráðgjöfinni og leiðbeiningum sem hann veitir þeim sem ráða leitar. Um starf á Lögmannavaktinni gilda að öðru leyti siðareglur Lögmannafélags Íslands.

Telji einhver, sem leitar lögfræðiaðstoðar á Lögmannavaktinni, framkomu vakthafandi lögmanns ábótavant, getur hann kvartað yfir slíkri háttsemi til stjórnar Lögmannafélagsins. Nafnleynd gildir ekki í slíkum málum.