Fjöleignarhúsalögin – reglur og framkvæmd
16.3.2021
Á þessu tveggja eftirmiðdaga námskeiði verður fjallað um fjöleignarhúsaformið frá hinum ýmsu hliðum með fjöleignarhúsalögin nr. 26/1994 í forgrunni. Við sögu koma ófrávíkjanleiki laganna, hugtakið hús og hið sérstaka fasteignarhugtak. Ítarleg grein verður gerð fyrir stöðu húsfélags að lögum og hvað felist í skylduaðild að því. Þá verður fjallað um skiptinguna í séreign, sameign og sameign sumra og þýðingu hlutfallstölu og eignaskiptayfirlýsinga. Ennfremur verður fjallað um svigrúm einstakra eigenda til athafna, hvort sem er í sameign eða séreign. Þess verður jafnframt freistað að draga upp sem gleggsta mynd af því sígilda álitaefni hvað sé sameiginlegur kostnaður og hvernig hann skiptist. Loks verður fjallað um það hvaða reglur gilda um ábyrgð húsfélags og einstakra eigenda og hina sérstæðu reglu 55. gr. laganna um búsetubann og söluskyldu. Til hliðsjónar verða dómar Hæstaréttar og einstök álit kærunefndar húsamála.
Umsjón Karl Axelsson hæstaréttardómari og dósent og Víðir Smári Petersen lögmaður og lektor.
Staður Kennslustofa LMFÍ, Álftamýri 9, 108 Reykjavík.
Tími Alls 6 klst. (2x3) Þriðjudagarnir 16. og 23. mars kl. 15:00-18:00
Verð kr. 49.000,- (kr. 4.900 í afslátt fyrir félaga í LMFÍ og LÍ og kr. 14.700,- í afslátt fyrir aðild að félagsdeild LMFÍ.)
Athugið kr. 3.000,- aukaafsláttur fyrir þá sem sóttu námskeiðið Með Vatnsenda í forgrunni: Um beinan og óbeinan eignarétt sem haldið er/var í janúar.
Skráning