Hagnýt fjármál fyrirtækja – fjarnámskeið 2. og 9. nóvember 2022
2.11.2022

Farið verður yfir grunnhugtök i fjármálafræði og fjármögnunarkosti fyrirtækja, þ.e. hvaða tækifæri fyrirtæki hafa til að afla sér fjármagns til skemmri og lengri tíma. Sérstaklega verður vikið að því hvernig hægt er að koma að verðmati á hlutabréfum og hvernig við getum reiknað út núvirði á skuldabréfum. Þá verður farið yfir aðferðafræði sem beitt er við verðmat á fyrirtækjum sem og hvernig ávöxtunarkrafa er reiknuð út. Enn fremur verður rætt um lántöku fyrirtækja og hvort og þá hvaða skuldsetning fyrirtækja er ákjósanleg.  

Námskeiðið hentar mjög vel fyrir lögmenn sem vilja hafa grundvallarskilning á fjármálum fyrirtækja, lögfræðinga sem starfa innan fyrirtækja og fjármálageirans eða hafa áhuga á að taka að sér stjórnarsetu, stofna og/eða reka fyrirtæki.

Þetta fjarnámskeið var síðast haldið haustið 2021 við mikla ánægju meðal þátttakenda. Ummæli þátttakenda:

„Frábært námskeið – góð upprifjun þar sem ég hef setið próf í verðbréfaviðskiptum“.
„Elmar mjög góður og skemmtilegur kennari.“

„Mjög ánægð, þarft og gott námskeið“

 

Kennari             Elmar Hallgríms Hallgrímsson framkvæmdastjóri Samiðnar - sambands iðnfélaga, lögfræðingur og Ms. í fjármálum fyrirtækja.  

Staður               Fjarnámskeið á TEAMS, þátttakendur fá sendan tengil daginn fyrir námskeið. 

Tími                    Alls 6 klst. (2x3).  Miðvikudagarnir 2. og 9. nóvember 2022, kl. 13.00-16.00. 

Verð                  kr. 48.000,- (kr. 4.800,- í afslátt fyrir aðild að LMFÍ og LÍ en kr. 12.000,- í afslátt fyrir aðild að félagsdeild LMFÍ).

Skráning 

gata, póstnr. og staður
Veldu það sem við á