Námskeið fyrir matsmenn – 1. og 2. september 2021
1.9.2021

Fullt er á námskeiðið en tekið við skráningu á biðlista

Lögmannafélag Íslands og dómstólasýslan standa fyrir námskeiði fyrir dómkvadda matsmenn. Farið verður yfir hlutverk matsmanna og starf þeirra frá dómkvaðningu og þar til þeir skila matsgerð og/eða mæta fyrir dóm. Þá verður farið yfir ákvæði einkamálalaga sem varða störf matsmanna og samningu og uppsetningu matsgerða, undirbúning matsfunda og störf á vettvangi. Í lok síðari námskeiðsdags verður farið í Héraðsdóm Reykjavíkur þar sem nánar er upplýst um samskipti dómkvaddra matsmanna við dómstólana.

Námskeiðið er ætlað þeim sem hafa verið matsmenn eða vilja gefa kost á sér sem matsmenn fyrir dómi á sínu sérsviði, s.s. iðnaðarmönnum, tæknifræðingum, verkfræðingum, læknum, sálfræðingum, viðskiptafræðingum og endurskoðendum. 

Handbók með ítarlegum leiðbeiningum fyrir dómkvadda matsmenn er innifalin í námskeiðsgjaldi en þátttakendum býðst svo að verða skráðir á lista yfir matsmenn.

Kennarar             Viðar Lúðvíksson lögmaður hjá Landslögum og Ragnar Ómarsson byggingafræðingur á Verkfræðistofunni Verkís, formaður Matsmannafélags Íslands.

Staður                Safnaðarheimili Háteigskirkju, Háteigsvegi 27-29, 105 Reykjavík og Héraðsdómur Reykjavíkur.

Tími                     Alls 7 klst. Miðvikudagur 1. september kl. 13.00-16.00 og fimmtudagur  2. september kl. 9.00-12.00. Einnig er heimsókn í Héraðsdóm Reykjavíkur fyrir þá sem vilja kl. 15.45-16.30 seinni daginn.  (Athugið breyttan tíma kennslu á seinni námskeiðsdegi frá fyrri auglýsingu)

Verð                     kr. 47.000,-,

Greiðsla verður að hafa borist fyrir þriðjudaginn 31. ágúst inn á reikning 334-26-1207, kt. 450269-2209.

ATH: Vegna fjölda þátttakenda sem hafa skráð sig á námskeiðið, þá er einungis í boði frá föstudeginum 27. ágúst að skrá sig á námskeiðið í fjarfundi.

Skráningu er lokið