Námskeið fyrir matsmenn – 19. og 20. október 2022
19.10.2022

Lögmannafélag Íslands og dómstólasýslan standa fyrir námskeiði fyrir dómkvadda matsmenn. Farið verður yfir hlutverk matsmanna og starf þeirra frá dómkvaðningu og þar til þeir skila matsgerð og/eða mæta fyrir dóm. Þá verður farið yfir ákvæði einkamálalaga sem varða störf matsmanna og samningu og uppsetningu matsgerða, undirbúning matsfunda og störf á vettvangi. Í lok síðari námskeiðsdags verður farið í Héraðsdóm Reykjavíkur þar sem nánar er upplýst um samskipti dómkvaddra matsmanna við dómstólana.

Námskeiðið er ætlað þeim sem hafa verið matsmenn eða vilja gefa kost á sér sem matsmenn fyrir dómi á sínu sérsviði, s.s. iðnaðarmönnum, tæknifræðingum, verkfræðingum, læknum, sálfræðingum, lögfræðingum, viðskiptafræðingum og endurskoðendum. 

Handbók með ítarlegum leiðbeiningum fyrir dómkvadda matsmenn er innifalin í námskeiðsgjaldi en þátttakendum býðst svo að verða skráðir á lista yfir matsmenn.

Kennarar             Viðar Lúðvíksson lögmaður hjá Landslögum og Ragnar Ómarsson byggingafræðingur á Verkfræðistofunni Verkís, formaður Matsmannafélags Íslands.

Staður                Kennslustofa Lögmannafélags Íslands, Álftamýri 9, 108 Reykjavík og Héraðsdómur Reykjavíkur.

Tími                     Alls 7 klst. Miðvikudagur 19. október kl. 13.00-16.00 og fimmtudagur  20. október kl. 12.30-15.30. Einnig er heimsókn í Héraðsdóm Reykjavíkur fyrir þá sem vilja kl. 15.45-16.30 seinni daginn.  

Verð                     kr. 47.000,-,

Greiðsla verður að hafa borist fyrir þriðjudaginn 18. október inn á reikning 334-26-1207, kt. 450269-2209.

Skráning