Lögmannablaðið er komið út

Lögmannablaðið er að þessu sinni að nokkru helgað 100 ára afmæli Hæstaréttar og í því er að finna grein um sögu réttarins eftir sagnfræðinginn Arnþór Gunnarsson. Þá er í blaðinu ítarlegt viðtal við Markús Sigurbjörnsson fyrrverandi hæstaréttardómara  þar sem rætt er um gjörbreytt landslag dómstólanna, lífið í Hæstarétti og Mannréttindadómstólinn.  Einnig er fjallað um þann mun sem er í dómaframkvæmd hérlendis og í Danmörku hvað varðar framlagningu viðbótargreinargerða, en í Danmörku og á hinum Norðurlöndunum eru viðbótargreinargerðir stór hluti af rekstri einkamáls.  Í blaðinu er einnig sagt frá ábyrgðartryggingum lögmanna, tekið viðtal við Torfa Ragnar Sigurðsson lögmann á Selfossi og sagt frá bráðskemmtilegu fótboltamóti lögmanna sem fram fór í desember sl. 

Hægt er að lesa blaðið hér