Samningatækni fyrir lögfræðinga - 15. og 22. september 2026

Vinnustofa 

Markmiðið er að lögfræðingar tileinki sér skipulögð vinnubrögð og sannreyndar aðferðir í samningatækni til að ná hagstæðum samningum og á sama tíma styrkja orðspor og traust. Sérstaklega er byggt á rannsóknum á samningaviðræðum þar sem lögfræðingar koma fram fyrir hönd skjólstæðinga eða leitast við að miðla málum. 

Fjallað er um alla fjóra hluta samningaviðræðna – undirbúning, umræður, tillögugerð og lok samninga – og farið yfir hagnýt verkfæri og ráð fyrir hvern hluta.  

Stefnt er að því að þátttakendur ... 

• fái skilning á undirliggjandi þáttum í samningaviðræðum og mikilvægustu hugtökum og verkfærum samningatækni. 
• geti náð árangri í stöðubaráttu og jafnframt haft sýn á hvernig snúa má stöðubaráttu í hagsmunabaráttu. 
• þekki mismunandi gerðir trausts og geti með meðvituðum hætti aukið traust í samskiptum við skjólstæðinga og gagnaðila. 
• geti nýtt þekkingu sína til að stjórna gangi viðræðna og beina þeim til uppbyggilegan farveg. 

Námskeiðið byggist á hagnýtum æfingum og gefur þátttakendum kost á að prófa mismunandi aðferðir. Þátttakendur taka þátt í einni hagnýtri æfingu í hvort sinn, sem krefst undirbúnings og virkrar þátttöku. Tími gefst fyrir umræður um hvort og hvernig það efni sem farið er yfir nýtist í samningum við viðskiptavini.  

Umsagnir þátttakenda sem sóttu námskeið hjá Aðalsteini árið 2021: 

• Þetta var frábært hjá Aðalsteini. 
• Mjög ánægður – meira verklegt og praktíst en fyrirlestra – AL kann þetta 
• Bókin er mjög flott og glærurnar góðar. 
• Námskeiðið mun vafalaust nýtast mér í starfi. 

Kennari   Aðalsteinn Leifsson hefur m.a. verið ríkissáttasemjari, aðstoðarmaður utanríkisráðherra, framkvæmdastjóri hjá EFTA í Genf og Brussel og lektor í Háskólanum í Reykjavík þar sem hann hefur kennt samningatækni í MLL-námi í lagadeild og í MBA-námi. Hann er höfundur bókarinnar „Samningatækni“ sem er aðalkennslubók í námskeiðum í samningafærni í þremur háskólum. Aðalsteinn hefur þjálfað stjórnendur í samningatækni og verið til ráðgjafar í samningaviðræðum á Íslandi og erlendis. 

Staður       Eignaumsjón, Suðurlandsbraut 30, 108 Reykjavík (gengið inn ofan af bílastæði á annarri hæð.)  

Tími                Alls 2x3 klst. Þriðjudagarnir 15. og 22. sept. kl. 13.00-16.00.    

Verð       Kr. 68.000,-  fyrir félaga í félagsdeild LMFÍ, kr. 75.000,- fyrir félaga í LMFÍ og LÍ og kr. 82.500,- fyrir aðra.  

Ekki verður hægt að sækja námskeiðið í fjarfundi 

Skráning