Námskeið

The course provides for a comprehensive overview of the legal considerations one has to make when dealing with the drafting and negotiation process of international contracts. The differences between the major legal systems are outlined and comparisons are made on a country-by-country level. Furthermore, the course both provides for a better understanding of the overall structure of an International Contract and gives the participants an overview of the main clauses used. Finally, the course makes the participants more familiar with terminology used in International Contracts. 

The course is set-up in a very practical way; participants will be preparing and discussing assignments together. Attending this course will enable you to take a more active role in the international contract negotiation and drafting process. You will become more familiar with the legal differences between ...

Breytingar á löggjöf, gildissvið núgildandi laga, innanhússamningar og helstu meginreglur. 

Fjallað verður m.a. um helstu breytingar á löggjöf um opinber innkaup sem nýjar reglur Evrópusambandsins á þessu sviði munu leiða af sér. Jafnframt verður fjallað um gildissvið núgildandi laga, undanþágur frá útboðsskyldu og helstu meginreglur laga um opinber innkaup með áherslu á sjálfbærni og varnir gegn spillingu. Í þessu samhengi verður sérstaklega fjallað um undanþágu frá útboðsskyldu á innanhússamningum og hvernig koma megi í veg fyrir hagsmunaárekstra.   

Námskeiðið, sem er hið fyrsta af þremur sem verða haldin næstu misseri, mun nýtast lögmönnum, lögfræðingum og starfsfólki opinberra stofnana og fyrirtækja.   

Fjallað verður um þær leiðir sem standa til boða við úrlausn ágreiningsmála á sviði verktakaréttar. Ágreiningur getur komið upp á öllum stigum verks og verið flókinn úrlausnar. Rekstur almenns einkamáls fyrir dómstólum getur verið óhentugur, sérstaklega þegar þörf er á skjótri úrlausn þar sem reynir á flókin sérfræðileg atriði. Því hefur þróunin hérlendis og erlendis orðið sú að flóknari verktakamál eru æ oftar leyst fyrir gerðardómi. Þá er orðið algengara en áður að starfandi séu nefndir, sem aðilar verksamnings tilnefna eða skipa, og hafa það hlutverk að leysa með skjótum hætti úr ágreiningi sem kemur upp á verktíma. Markmiðið er yfirleitt að koma í veg fyrir pattstöðu og minnka togstreitu milli aðila. Umfjöllun námskeiðsins mun taka til þessara og annarra leiða við úrlausn ágreiningsmála, auk þess sem lagt verður mat á kosti og galla hverrar leiðar. Loks verður því velt upp hvort og þá að hvaða leyti væri æskilegt að gera breytingar á ÍST-30, svo að hann endurspegli betur þá fjölbreyttu möguleika sem standa til boða við úrlausn ágreiningsmála. 

Samkvæmt 1. mgr. 70. gr. stjórnarskrárinnar nr. 33/1944 ber öllum réttur til að fá úrlausn um réttindi sín og skyldur eða um ákæru á hendur sér um refsiverða háttsemi með réttlátri málsmeðferð innan hæfilegs tíma fyrir óháðum og óhlutdrægum dómstóli.  

Viðfangsefni námskeiðsins er að lýsa þeim reglum sem gilda á Íslandi og ætlað er að tryggja óhlutdrægni dómara í störfum þeirra. Fjallað er almennt um það hvað felst í framangreindri kröfu stjórnarskrárinnar um óhlutdrægan dómstól og vikið að þeim grunnsjónarmiðum sem liggja að baki reglum um sérstakt hæfi dómara. Þá verða einnig tekin til skoðunar álitaefni sem hafa komið upp í tengslum við það hvernig standa beri að ákvörðun um sérstakt hæfi dómara.  

Meginviðfangsefni námskeiðsins er að gera grein fyrir efni íslenskra lagareglna um sérstakt hæfi dómara en þeim má skipta annars vegar í hlutlægar hæfisreglur og hins vegar matskenndar hæfisreglur. Þá verður farið yfir þróun í dómaframkvæmd Hæstaréttar frá síðustu aldamótum og að auki réttarframkvæmd Landsréttar frá stofnun hans. 

Fjallað verður um reglur um kröfugerð, varnaraðild og sönnunarbyrði í ljósi reglna stjórnsýsluréttarins um endurskoðun stjórnvaldsákvarðana. Farið verður yfir hvers konar stjórnvaldsákvarðanir er unnt að fá ógiltar, varnaraðild eftir að úrskurður hefur gengið á kærustigi, hvaða kröfur eru gerðar til stjórnvalda við að upplýsa mál og hvernig þær kröfur geta haft áhrif á sönnun og sönnunarbyrði. Einnig verður fjallað um dóma Hæstaréttar um form og efni kröfugerðar í málum á hendur stjórnvöldum, stuttlega vikið að sjónarmiðum um stjórnskipuleg valdmörk endurskoðunarvalds dómstóla á athöfnum stjórnvalda og áhrif þeirra við mat á hvort kröfugerð í máli gegn ríkinu telst dómhæf. 

Fjallað verður um riftun tiltekinna ráðstafana skömmu fyrir gjaldþrot og þau atriði sem bústjóri þarf að huga að varðandi skattalega meðferð þrotabúa.  

Fjallað verður um nokkur valin atriði sem varða rannsókn sakamála, þvingunarráðstafanir og aðkomu dómstóla að rannsókn sakamála, 
fyrst og fremst frá sjónarhóli verjenda. Skoðaðir verða m.a. nýlegir dómar sem hafa fallið og varpa ljósi á umfjöllunarefnið.

Við höfum farið um langan veg frá lögfestingu 50. gr. fyrstu stjórnarskrárinnar frá 1874, sem tók til eignarréttar, en sú regla birtist okkur nú lítið breytt að orðfæri í 72. gr. gildandi stjórnarskrár. Í upphafi töldu menn slíka vernd einskorðast við beinan eignarrétt að hlutbundnum verðmætum, fyrst og fremst fasteignum og lausafé. Í dag blasir gjörbreytt heimsmynd við þar sem því virðast lítil takmörk sett hvað verið geti andlag eignarréttar í skilningi stjórnarskrárákvæðisins.   

Á námskeiðinu verður ...