Á námskeiðinu verður fjallað um takmarkanir á meðferð innherjaupplýsinga samkvæmt Markaðssvikareglugerð ESB (MAR) sem var innleidd í íslenskan rétt árið 2021. Farið verður yfir bann við innherjasvikum, ólögmæta miðlun innherjaupplýsinga og ráðleggingar á grundvelli innherjaupplýsinga. Leitast verður við að hafa umfjöllunina praktíska fyrir lögmenn og aðra sem starfa á fjármálamarkaði.
Á þessu námskeiði verður sjónum beint að því hver þýðing höfundaréttinda og skyldra réttinda sé í raun. Fjallað verður um framfylgd höfundaréttar, þ.e. hvaða úrræði standa höfundum og öðrum rétthöfum til boða vegna brota á höfundalögum, og um ákvæði laganna um skaðabætur; refsingar, lögbann, ónýtingu eintaka, málsóknarumboð og fleira. Jafnframt verður rætt um hvernig úrræðin hafa birst í dómaframkvæmd.
Fjallað verður um samruna með áherslu á eftirlit Samkeppniseftirlitsins og hlutverk ráðgjafa og innanhúslögfræðinga í slíku ferli. Gerð verður grein fyrir málsmeðferðinni, þeim viðmiðum sem Samkeppniseftirlitið notar við mat á samrunum, skaðakenningum, sjónarmiðum um hagræðingu og fyrirtæki á fallandi fæti, sáttamöguleikum (e. remedies) og þeim skyldum sem hvíla á samrunaaðilum fram að samþykki/ógildingu Samkeppniseftirlitsins.
Hinn 12. nóvember 2025 lögfesti Alþingi samning Sameinuðu þjóðanna um réttindi fatlaðs fólks (SRFF). Samningurinn er þriðji alþjóðlegi mannréttindasamningurinn sem lögfestur er hér á landi á eftir mannréttindasáttmála Evrópu og samningi Sameinuðu þjóðanna um réttindi barnsins. Ákvæði SRFF fela í sér skulbindingar ríkisins sem einkum miða að því markmiði að tryggja að fatlað fólk njóti mannréttinda til jafns við aðra. Skv. 13. gr. samningsins skal íslenska ríkið tryggja fötluðu fólki árangursríkan aðgang að réttinum til jafns við aðra, meðal annar með aðlögun málsmeðferðar. Á námskeiðinu verður fjallað um hvers eðlis SRFF er og hvaða þýðingu 13. gr. samningsins getur haft í störfum lögmanna.
m.a. út frá trúnaði og samkeppnisákvæðum í ráðningarsamböndum
Fjallað verður um vinnuframlag, vinnutíma og laun starfsmanna. Getur atvinnurekandi bannað starfsmanni að vinna önnur störf? Getur vinnuveitandi krafist þess að starfsmenn vinni heima og er það hans að sjá til þess að aðstaða sé með fullnægjandi hætti?
Í seinni hluta námskeiðsins verður fjallað um trúnað í og eftir lok ráðningarsambands; samkeppnisákvæði í ráðingarsamningum og réttaráhrif þeirra. Þá verður rætt um höfundarréttarsjónarmið og einkaleyfi af framleiðslu sem vinnan skapar.
Lögmannafélag Íslands og dómstólasýslan standa fyrir námskeiði fyrir dómkvadda matsmenn. Skráning á póstlista.