Námsferð til Kaupmannahafnar
Félagsdeild LMFÍ stendur fyrir námsferð til Kaupmannahafnar 3. – 6. september 2026 þar sem faglegri dagskrá, með áherslu á tækni og gervigreind, verður blandað saman við list, hlaup og góðan mat.
Farið verður út á fimmtudagsmorgni og verður fagleg dagskrá seinni partinn þann dag. Á föstudegi er fagleg dagskrá fyrir og eftir hádegi en um kvöldið verður sameiginlegur kvöldverður. Á laugardegi stendur til boða að heimsækja Louisiana safnið og fara á barrölt um kvöldið. Á sunnudegi býðst þátttakendum svo að taka þátt í Örestad hálfmaraþoninu (hægt að velja um vegalengdir) áður en haldið er heim til Íslands.